لماذا نتمسك بقرار حتى بعد أن نكتشف أنه لم يعد مناسبًا لنا؟
بقلم: أ. نهاد رسلان
معلمه تأسيس | ليسانس آداب جامعة كفر الشيخ
الحياة حلوة بكل ما فيها، حتى مرارة القهوة لذيذة وممتعة كذلك.
الحياة كذلك، بعض المواقف والأشخاص رغم مرارتهم، لكنها ممتعة؛ لأنها تعلمنا أن نكون أقوى وأكثر حكمة.
ولذلك سوف نطرح سؤال:
👈 لماذا نتمسك أحيانًا بقرار نعرف تمامًا أنه لم يعد مناسبًا لنا؟
أمثلة لهذه القرارات:
* البعد عن حبيب.
* البعد عن أشخاص مؤذيين.
* قرار انفصال أو طلاق.
* قرار تغيير مجال العمل.
* قرار تغيير الكلية اللي دخلتها وعايز تدخل كلية تانية.
العقل يفكر ويدور ويتوه ما بين الأفكار التي تأتي إليه وبين القلب والمشاعر، وهناك دائمًا تشتت وتوهان، ولذلك يصعب أحيانًا اتخاذ القرار أو الاستمرار فيه.
لذلك سوف نلخص الموضوع في بعض نقاط الأسباب اللي بتخلينا متمسكين بقرار لم يعد مناسبًا لنا.
أول حاجة كلنا بنخاف منها وبنفكر فيها:
الخوف من الناس.
الناس هتقول إيه؟
الخوف من الأهل.
الخوف من المجهول.
الخوف من اللي هيجي بعدين.
الخوف من المعاناة والألم اللي هحس بيه.
الخوف من التغيير.
الخوف من الظروف إنها مش مساعدة على اتخاذ القرار ده.
الخوف من حاجات كثيرة قوي العقل بيفكر فيها والمشاعر خايفة منها.
المهم حاليًا
تنقذي نفسك، وتنقذي اللي جاي، وتسيبي اللي فات وراكي، وتسامحي نفسك، وتشوفي إنتِ محتاجة إيه.
قالوها زمان:
«وجع ساعة ولا كل ساعة».
وهنا يبدأ التحدي:
تحدي خوفك من نفسك.
تحدي الخوف من الناس.
تحدي الخوف من أهلك.
تحدي المجهول واللي هيجي بعدين. 👏🏻
خطوات التخلي عن القرار غير المناسب
خطوات التخلي عن الأشخاص المؤذيين.
خطوات التخلي عن الحياة اللي دمرتني.
خطوات التخلي عن الشخص النرجسي المؤذي.
خطوات التخلي عن الحبيب المؤذي. 🤷🏻♀️
أولًا: شوفي نقاط قوتك.
إنتِ تعرفي تعملي إيه؟
تقدري تطوري نفسك في إيه؟
واجهي نفسك بالحقيقة، وأوعي تنسي اللي فات؛ لأن اللي هينسى هو جاي منين، ممكن يعود لنفس النقطة مرة أخرى.
ثانيًا: املي الفراغ اللي هيسيبه القرار.
استعيني بالله، وطوري نفسك روحيًا، وتقربي إلى الله.
ودخلي أشخاص جدد حياتك، ناس إيجابية.
العبي رياضة.
اعملي تأمل.
واخرجي في أماكن مفتوحة كثير.
اخرجي للطبيعة.
ثالثًا: اقفلي الباب بهدوء واحترام.
وافصلي بين القرار وقيمتك.
وبطلي تبرري كل شيء؛ لأن كل ما هتبرري، ممكن تفضلي عالقة في النقاش وتفتحي الباب من جديد.
واللي يسألك، جملة واحدة بس اللي تقوليها:
«القرار لم يعد مناسبًا لي».
ما يستحقش تضيعي وقتك ومجهودك في الكلام عنه.
اتكلمي بس عن الحياة الجديدة اللي هتعيشيها، واللي جاي.
وخليكي دايمًا مركزة في اللحظة الحالية.
خطوات بطيئة سوف تصلين بها لهدفك، أفضل من قرارات كبيرة لا يتم تنفيذها.
وفي المقال القادم نقترب أكثر من سؤال جديد:
هل نحن أكثر عقلانية مما نعتقد؟
كلام جميل ومفيد جدااااا
ردحذف